geulisna gunung putri

Selasa, 04 Oktober 2011

nanjeur kana balebat lembang
ngagedur seuneu burangrang
mahoni nu ngarangrangan
ngantosan hate nu bakal datang

eces soca murilit ka beh kiduleun
bumi bandung nu humaregung
ceunah mah heurin ku tangtung
ngalayang ciga nu bingung

tuh tenjo ku sakabeh...
pasir eurih nu ngajerit
murilit ka beulit arit
halimun nu ngaleungit
marengan putri nu pamit..

Bandung, 04 oktober 2011